यस्तो होस प्रेम

यहि ठूलो झरीमा निथ्रुक्क भिजेजस्तै
मलाई त्यसैगरी भिज्न मन छ
तिम्रो मायामा
अनि
भिजेका कपडाहरू ज्यानमा टाँसिएझैँ
लपक्क टाँसिउन हाम्रा मनहरू
हामी यस्तो प्यार गरौँ
न्यानो घाम चाहिएको बेला
एकअर्काको अङ्गालो होस
जिन्दगीको सुवास हाम्रो प्रेमले छरोस
सँगै मिलि खुसि ल्याऔँला
बिहान मुस्कुराउँदै उठ्ने सुर्यजस्तै

(२०७३।०५।२७ को विहान झरी परिरहँदा यस्ता भावना खेल्यो मनमा।)