दिल्ली फ्लू Delhi Flu

 Delhi Flu अझ Delhi Flew भन्दा रोगको पहिचान राम्ररी हुन्छ । दिल्ली फ्लू नितान्त राजनितिक गुण भएको कुरा हो । यो असाध्य रोग मानिएको कुरा जानकारहरू बताउँछन् । दिल्ली फ्लू कुन मौसममा लाग्छ भन्नै सकिन्न किनकी यो राजनितीक चरित्र बोकेको जिनिस हो । राजनितिक तापक्रम तलमाथि हुनासाथ यो रोग देखा पर्दछ ।

दिल्ली फ्लुको लक्षण:

• नेपालमा सरकार परिवर्तन होला कि जसो हुनु ।
• दुर्गामी असर पार्ने राष्ट्रिय महत्वको कार्य अगाडि बढ्न खोज्नु र सबैको स्वार्थ दस दिशातर्फ फर्कनु ।
• तारान्तार लैनचौर दुतावास धाउन पर्नु ।
• जटिल हुँदै जाँदा दिल्लि दौडाहा चल्नु ।
• अब केही बाँकी रहेन प्रभुको अनुकम्पाले मात्र बचाउँछ भन्ने लाग्नु ।
• राष्ट्रियता र स्वाभिमानको सुख्खा खोकी लाग्नु ।

समाधान :
असाध्य रोग मानिए पनि दिल्लि फ्लू समाधान विहिन रोग होइन । यस रोगको समाधान गर्न आफ्नै जनताको चाहना अनुसार चल्नु पर्दछ । वादे वादे तत्व ज्ञान भन्ने कुरालाई मनन गर्न सके विवाद छताछुल्ल हुन्न र दिल्लि फ्लू लाग्ने सम्भावना कम हुन्छ ।